الشاعر ياسر التويجري

هذه احلى المختارات للشااااعر ياسر التويجري إيه راحت وتركتني ويمكن إنـه ماتعـود وداست برجله لعانه وجـه قلبـي وأهبـي
وكرّمتني فوق نزفي وشكرتنـي للجهـود وقالت إنت وبإحتقـار ودق كفّـه منكبـي
من تكون ومن أكون وطول عمرك لو تسود ماربطني مع شتاتـك إلا يمكـن مذهبـي
حمّلتني فوق وسعي وأكبر حلولي صمـود والصمود لغير موقف مثـل هـذا مطلبـي
وطحت كني في مكاني شي تافـه مايكـود حتى أرض ٍ إحتوتنـي ماتحفّـت بركبـي
كني اللي حاصل ٍ له دعوة ٍ من قلب عـود وافقت له إستجابه وإستـوى لـه مايبـي
وش عليها يوم راحت وتركتني للشـرود وشبّت النار بيديني وإستعانـت بحطبـي
وش عليها يوم سوّت إحتفـالات الهنـود ورسمت رمز الضحيه فوق عيني وهدبـي
وشكّلت قلبي طبـول وقدّمتهـا للحشـود وإستعانت في حلاها وإستقالـت منصبـي
وإستلذّت صوت قلبي لا تعلاّ صـوت عـود وإستغلّت كـل درب ٍ يـم رومـا وتعبـي
ليت وقت ٍ قد مضى لي قبل حرمان الصدود يغدي الدرب ويجيني أو أجي له لو حبـي
يوم فوحي من غلاها ريح مسك وريح عود وإن سكت لغير قصدي قالت آمر وش تبي
تنقهر عبله عليها وسـط طيّـات العقـود وأقهر العبسي بحب ٍ دون سيف ومشعبـي
لامشتني مع دروبي وأصعب دروبي حسود كن قلبه قلب ذيب ٍ وسط جوف ٍ في ضبـي
ترسم بريده بكفـي مالهـا حكـم وحـدود وأنثر الطايف عليهـا بالقصيـد المغربـي
كرّهتني في حياتـي وأنكرتنـي للجحـود يوم فازت في ضياعي وإستملّـت ملعبـي
إرجعي لي لو سمحتي إرجعي لي يالعنـود دام قلبي يوم رحتي في ضلوعي مختبـي
مايفيد الحـال بعـدك لانيـاف ولا خلـود وش يسوّي كل مكسب دامك أنتي مكسبـي
إذبحيني لو بغيتي وإلغي إسمي بالوجـود وإكتبيني تحت عطفك دام بيـدك مخلبـي
وكان خفتي من خيانـه قيّدينـي بالقيـود وعقّدي لي تحت نمله وسط غار ٍ مرعبـي
ماعليّ من الملامـه والاهانـه لـو تـزود والرجولـه مانبيهـا لا نويتـي تقـربـي
واجد اللي يحسبون الحب تفتيـل الزنـود ظافرين وكل واحـد بنـت قلبـه تنسبـي
الدعايه دبلجتهم من شموخ وبيـت جـود في بحور ٍ لو تبعته كان يغـرق مركبـي
ماعلينا إرجعي لي لو سمحتـي يالعنـود دامك أنتي أكبر أكبر من شموخي وإدِبـي
وصدّقيني لو يحول الوقت دونك بالسـدود ما أنكر إنك يوم رحتي طحت واثق بركبي






الحواجز





رحمتـك يالله ترحـم ضعفنـا يوم غم الجو واخفيت الجـدي
يوم همي فـوق متنـي متّنـا والسلام عصوف ريحٍ ترعـدي
والضروف أكبر من اللي ودنـا والفراق الحل .. والحل الـردي
لاحياة .. ولاممـات .. ولاهنـا في حنايا الضيم ألقـى مقعـدي
إن سهرت الليل مس ومسكنـا وإن غفيت افلام رعبٍ تحشدي
صايرٍ مابين مظلـومٍ .. وأنـا أختلفت وودي أعرف مولـدي؟
والكـرم لليـأس كـأسٍ مدنـا نشربه لوهو علينـا يجهـدي
وش نسـوي دام هـذا حظنـا والحواجـز ماتعـدى بالعـدي
مير صبرك يالحبيبـه بالعنـا أصبري ياروح روحي وبعـدي
لايهمـك دن دنـات ودنـدنـا وبلبة حساد .. وأغضي وأرقدي
دام أنا وأنتـي تلاقـى جدنـا نلتقي لوهـب ريـح جلمـدي






حصـــه





من ثلاث شهـور قافـي مستديـر لاويٍ وجهه ولا هو بـص .. بصـه
لا ضريرٍ .. نقـدر نقـول الضريـر ولا مفتح .. واقفٍ مـن دون رصـه
لابسٍ بشـتٍ كمـا بشـت الأميـر ما تزحزح فـوق هاذيـك المنصـه
أثره الجبـار يـدري وش يصيـر عارفٍ قلبي ويـدري وش مقصـه
المراد اللي جـرى شـيٍ .. مُثيـر شفت قافي في شموخه بـاق لصـه
إنكسر حلمـه وهـو تـوّه صغيـر حتى سمنه ما توارى فـوق قرصـه
شـال درعـه نـاويٍ يـم المغيـر وسيفه البتار يردح فوق " عصـه "
قـام ينخـى كنـه العـود الكبيـر قال : آه .. وغصةٍ من بعـد غصـه
مايهاب المـوت مابـه مـن كسيـر شاربٍ كآسين " هدنه " مـع مفصـه
العزاء .. والموت والشـي الكثيـر هايـنٍ بالعيـن دام إنـه يخـصـه
قالوا : إسمه بس .. إسمه بالأثيـر إسم حصه يسمعه من زود حرصـه
إسمهـا يسكـن زوايـاه العبـيـر لا نطقته في قوامـك بـان قرصـه
ما كحل بنتٍ .. ولو بنـت الوزيـر ما كحل حصه سوى هاذيك .. حصه
السـواد اللـي بجفنـه لـو يطيـر أمطرت من حبرٍ أسود كتـب قصـه
قرب .. بُعد .. وشرها في وسط خير تسكن بهامات قصرٍ وسـط جصـه
من ذهبهـا أغنـت العـود الفقيـر وخاتم إيده لا تحـرك طـاح فصـه
كل ما فيهـا خطيـرٍ فـي خطيـر كيف أعممها وقلّي ويش أخصـه ؟!
والله إنه وسـط عينـي والنظيـر وما لقيت لشوف حصه .. أي فرصه

مشكوووره يالغلا

جبتيـــها تتراني ياشوشو اعشـــق شي اسمه ياســر التويجري

تسلمي يا قمر عالموضووع النااايس